طبعا أنا و محمد و الأخ عبدالعزيز دخلنا المطار كانوا يبون يكلمون أهلهم
عن نفسي كان تجوال يشتغل عسل معاي
طبعا دقيت على أهلي وبغلتهم إني وصلت أبو ظبي
طبعا الشباب استخدموا التلفونات العامة
طبعا بعدها اتجهنا للبوبات
طبعا أخونا عبدالعزيز كان رايح مانشستر فكانت بوابته 26 و حنا كانت بوابتنا 32
و الصورة توضح
يعني متفرقين
طبعا وصلنا البوابة كان باقي على الرحلة ممكن ساعتين
طبعا هذي صورتين من الفضاوة مصورهن
فجأة و بعد برهة من الزمن
جانا عبدالعزيز
سلام عليكم شباب
أنا تلقائينا خير يا جنط رحلتك الحين
قال غيروا البوابات أنا صارت بوابتي ذي
و أنتم 28
بالله عليك
قال ايه والله
قمنا أنا و محمد و رحنا 28 قبل ما نجلس قالوا تم تغيير البوابة إلى 26
و الله لعبة بوابات
طبعا وصلنا لـ 26
صورة لها
و بعد نص ساعة قالوا يالله ركبوا الباصات
ركبنا و أنطلقنا للطيارة
صورة من الباص
ركبنا الطيارة
طبعا مثل الأول مقعدي على بعد ستارتين حسب توقيت المجمعة
صورة لحظة ركوب الطائرة
طبعا كان الطيارة 3 صفوف
ايسر و أيمن و اللي في النص
طبعا فوجئنا إن الأيمن و الأيسر كله بنات
ونص النص بنات
اكتشفنا إن معانا حول 200 طالبة من الإمارات
على قولة أخوي فهد باص بنات مو رحلة
عشان كذا صوري في الطيارة مقتصرة على الشاشة اللي قدامي
جاءت لحظة الإقلاع
أنطلق بنا الكابتن بوبو
أقلاعه كأنه شوط تفحيط
حاص يمين و يسار و يمين و يسار
عاد أنا حسبته يفحط
رفعت العقال و أزاع عاش عاش هز الحديد يا كنق
طبعا اقلاعنا بعد الشوط الوداعي
و قعدت أصور الشاشة اللي قدام
صورة تبين لحظة وصولنا إلى منتصف الخليج العربي
العلامة الفارقة من الجنب
قدمولنا الغداء
و الله بس أكلت الرز أحس أكلهم ماله طعم
صورة
و هذي صورة بعد ما قطعنا 3203 ميل
وهذي بعد ما قطعنا 4 آلاف وشوي " أعذرونا على رداءة الصورة لكن البنات كانوا يحضرون موزة العنود شيماء .. إلخ
"
وهذي بعد ما قطعنا 5437 ميل
و هذي على بعد أميال من الحدود الكندية
يوم دخلنا كندا عطونا الإستمارة و عبيناها طبعا جزاء الله THE_NOBLE كل الخير عطاني نسخة مترجمة و كذا أخوي فهد اللي ساعدني في تعبيتها
و هذي صورة للكاميرا السفلية للطائرة
وهذي صورة لحظة الهبوط
طبعا الهبوط كان أكثر ابداع من الإقلاع
ينخفض فجاءة لدرجة إن نرتفع من مقاعدنا
سواها 3 مرات و الناس زعاق
و البنات بعد
طبعا دلخا الجسر
صورة من الجسر
و هذي مقاعد الإنتظار
صورة لطيارة
صورة من جهة ثانية
صورة بعد
طبعا جينا للجوازات و الله ما عنينا من مشكلة سؤالين و خش
حتى أنا اللي لابس شماغ و أحلى رسم ما قالوا لي شيء
نقطة : محد تكلم على لبس إلا عاملة نظافة
طبعا هذا مكان الحقائب و كان رقمه 13
طبعا جلسنا ساعة على ما لقينا شناطنا
و أنطلقنا للبوابة
نقطة : محمد فتش لابتبي ولا شناطي
طلعت برا عند اللي يستقبلون
كان فيه أزعاج قبل يوم طلعت كلن يناظر فيني
استحيت
Sطبعا أدور حق الهوم ستي أدوره ما فيه أحد
وخذ نص اسعة تتلفت ما فيه أحد
قدر الله علي وجاء شاب عربي
قال أنت عربي
قلت ايه وش رايك لابس شماغ
قال حياك أشوفك ضايع
قلت هومي ستي حقي ساحب علي
قال تعال معاي و نتصل على حسابه محد رد و أدق على بيتهم ما يردون
دقيت على محمد العجمي " (عذب) " قال أنا في المطار طبعا أخذنا فترة على ما لقيناه
جزاء الله خير ذاك الشاب العربي
طبعا هو من العراق و عايش هنا و أسمه جون
صورة للمطار من الخارج
محمد أخذ رقم الهومستي و لقيناهم بحب الخشوم
جزاك الله خير يا محمد
طبعا أول ما ركبت توقعته صيني طلع ماليزي
بدت الرحلة الطويلة
صور لها
قجاة بدت الزحمة
شوفوا ها الصورة و حللوا خريص
و خوينا ذابحه النظام يمشي شويش ولا يتجاوز
طبعا تعدينا الزحمة
و هذي صور من دوجتنا
نزلنا محمد عند محطة Don mills و كملنا دربنا وصلنا للبيت حقه
جيت أنزل قال لا إقعد
ركبت زوجته قالت مو هنا تسكن في مكان ثاني
طبعا في الخط قالت لي ما فيه عيشة
قلت شلون
قالت أنا متفقة مع سوريش كذا
قلت طيب أنا جوعان وديني لأي مطعم حلال
ودتني لمطعم نسيت اسمه أخذت وجبة و طلعنا للشقة
بس حللت سواقة الرجال
الحرمة مهي صاحية بغت تسوي حادثين
هنا أيقنت لا لقيادة المرأة
وصلنا الشقة
الشقة حلوة بس عيبها بعدها عن المعهد
يوم جيت كان فيها 3 بارازيلي و زوجته بولندية و هندي
طبعا كلهم طسوا يوم و تركوا لي الشقة
طبعا صور يوم دخلت
أنتهاء الجزء
الحلقة القادمة
أول دوجة لي
وينك يا محمد
حلال و لا لا
يا حياة الشقى
لنا لقاء قريب إن شاء الله
0 التعليقات:
إرسال تعليق